ريت الزمان اللي مضى يرجع الان= واختار فيه اجمل مراحل زماني
اللحظه اللي منها تروى الاغصان=امسك بها ياقلب يكفي تعاني
حرام نبقى في تباعد وهجران= مليت وانا منتظر في مكاني
ياحب يكفينا مراره وحرمان=العمر لحظه والسعاده ثواني
يبقى الفراق اكبر من احساس الانسان=موقف ولا مبعد يمناه ثاني
فيه الحنايا تشتكي ثقل الاحزان=والقلب يرجف تحت عوج المحاني
واحس كن الارض من غير سكان =لاغاب من ربي بحبه بلاني
اللي فؤأدي فيه هايم وولهان=شمس الضحاء وامير سيد الغواني
لها وجه باهي طاغي القد فتان=واقرا بنظراته جميل المعاني
خدها مورد والشفاء زهر رمان=ومن سهام العين يامارماني
حبها مدون بين رمشي ولاجفان=وفي معاليقي وكامل كياني
وفي الحواس الخمس ساحات واوطان= والبحر جسمي والمشاعر مواني
حبي له اكبر من هوى الطفل الاحضان= وساع حب النفس عند الاناني
دمعة شموخ حبستها وسط الاعيان= لو تنذرف تنهار كل الاماني
والكبريأ له حافظه كيف ما كان=من هيبته حتى انكساري عصاني
ياللي حظورك يكسي الارض ريحان= وعذب صوتك سحر واسمك اغاني
عود علي الروح ذابل وعطشان= في غيبتك ياحب ماحد سقاني ..
عجزت ../
أحدد إحساسي وألم شتاته المنثور..
وأرسم بـ الحروف شعور بات سنين مزعجني..
شعور قاسي طبعه وأنا في قسوته مأسور..
مثل "طعم القهر"
وأكثر بـ ضيمه حيل خانقني ..
أبشكي لك أحاسيس تبي تطلع تشوف النور ..
ولكن ..!
قسوة بعادك تعاندها وتقهرني ..
أبي أضحك ,,
وأبي أفرح ,,
وأبي أمشي كما المغرور ,,
وأبي أمزح معك ,,
وأحكي ,,
وقلبك بس يسمعني ,,
وأبي أبكي ../
مثل طفل يصيح وخاطره مكسور ,,
ولامن شفتك ../
أبي أشكي لك "بعادك" كيف عذبني..
وأبي أسكت ,,
وأسمع لك ,,
وأناظر بـ العيون الحور..
وأبي أسرح مع همسك ,,
الين الهمس "يسحرني"..
أبي أحس بـ وجودك ,,
وأبيك بـ دنيتي كـ النور..
أخاف ../
أن طالت الظلما ,,
يصير النور " يزعجني"..
أبي لو بس ../
تفهمني ,,
وتعرف ليش أنا "مقهور"..
أحس إني ../
من عنادك أحاسيسي تعاندني ,,
وأحس ../
بـ طيبتي قسوه ترعب "حبي المذعور"..
وتهدم كل أمالي بـ لحظه ثم "تهدمني"..
أبي أرضيك ../
رغم إني أنام وخاطري مكسور ,,
وأبي أرضيك ,,
لو همي من الافراح " يحرمني"..
ولا أبي منك غير ../
أنك تحس بـ " قلبي المهموم " ,,
وتستوعب مدى الحرمان ,,
يوم البعد " قآتلني"