المــــــــــــــــــــــاضي

الزمن وقف رفض لايجي بشي جديد
ما مشى لو ثانيه من بعد يوم الوداع
أصبح الحاضر خيال من الماضي البعيد
باقي الماضي وغيره ضياع في ضياع
ليه أحس أني مع الناس في الزحمه وحيد
ليه غيري في سكينه وأنا اللي في صراع
لو بغيت انساك ماطاعني القلب العنيد
أشعر أن نسيان ماضيك فوق المستطاع
الشعور لخاطرك نار ولغيرك جليد
والوفا لولاك في خاطري يشرا ويباع
أدري أن الوقت معطيك عكس اللي تريد
وانجبرت أنك تخير طريق الانقطاع
وأدري أني لو تمنيت وصلك ما يفيد
ينتهي عمري وعمرك ولا صار اجتماع
لكن القلب الوفى عن طريقه ما يحيد
شايل ذكراه سلوى وحرمانه متاع
وقفت أيام عمري وأنا أردد وأعيد
الوفا رد الوفا والجفا رد الخداع
يا زمان فات هاك العمر نار وشهيد
أحرقه لعيون غزو ملك حلو الطباع

ليه أحس أني مع الناس في الزحمه وحيد
ليه غيري في سكينه وأنا اللي في صراع
لو بغيت انساك ماطاعني القلب العنيد

ارجو الرد