والله شكلك عشقانة
والله شكلك عشقانة
****
عشقانة وا..... هالبنية... منور وجهك صبحية
عشقانة وصرلك مدة ...... شباك الحب بتمدي
اللون من خدودك وردي عيونك للغزل بتحكي
****
أغاني الحب تحطي .. فيروز وقت اللي فقتي
ظهرية غناني الشعبي ..الديك وحسنا واوطفي
والخاشوقة اللي بالدلي ..صارت للعشق تدلي
ليلية غناني طربي .... الست وبعدها الشرقي
****
وا.. شحارك وا.. قلبي. فضحت قلبا مع قلبي
الضيعة كلها منطربي.. بغناني العشق الحلوي
****
الزقزوقة ع هاكي الفلي بريشاتا تعزف نغمة
الكنار للبلبل يهني . والحسون بصوته شجني
وطيور الجنة تغني ...عشقانة وا..... هالبنية
عشقانة وأنت صغيري وبقلبي أنت شوكبيري
****
دخلتي حياتي خلسي..... أحتليتي قلعة قلبي
توجتي حالك ملكي.... تحكم عقلي من قلبي
بأحلامي سفن تديري... شراع الحب تعليلي
بتغويني شوية شوية.. بتسحر قلبي وعينيي
****
بوجها القمر ليليي .... نورو مسقط عليّ
عيونا حور شرقية .... بسهاما نار مكويي
شفافا شهد خمرية ..... حبة فستق حلبية
****
شعراتا مواج مرخية.. والرقبة تحفة فنية
نهودا جبال مخفية ..ملغومة تا تفجر فيي
قواما غزالة برية... بجمالا تغنت عينيي
****
من صغرك وأنتي قطة تخرمش ع قلبي بنطه
وقلبي من كتر حظه...... ما يعشق إلا بخته
****
كنا وكانت عيشتنا ... شقدا حلوي بصغرنا
بيّ وبيّك بالحقلة .......وأمي وأمك مقتبلي
وحدك بتضلي حدي...... يالله شو هالبلوي
بعمري مالعبت بلعبة.. وهي حدي تلاعبني
****
صغيروني وقلبي حبّا... تشيل الهم من حدا
تتنقل متل الطفلة....... بداريها دادي دادي
أحميها من الوقعاتي......... أفديها بحياتي
طعميها من الزوادة... تنقرش منها العوافي
****
يامحلا منها الحكيات.. العسل بريقاتا شافي
تتغمز ببعض الكلمات.... يبرق سنّا بعينيي
تتدلع بمشياتا ..........ويلي محلا خطواتا
تلوع قلبي بنقلاتا... غزالة وماأكتر حركاتا
****
خوفي عليها من الحركة وخوفي منها عا قلبي
تعودت عليها يوميّة ...... وببعادا بنسى عينيي
يوم اللي مابتطلع هي..؟ الروح بحسها مطفية
****
والله مابعوفا البتة .......وهي الشعلة المتقدة
وبقلبي عمرلا بيتا .....وأقضي هالعمر بحدا
تهدا يا قلبي تهدا.......... هي عيني ومقلتا
يادنيا زيدي بوقتا...... تأقطف منها الوردا
****
والله شكلي أنا العشقان موهي
****
تحياتي
الكابوس
الخميس مارس 07, 2013 7:03 pm من طرف 
موضوع: والله شكلك عشقانة 
