ودي أموت اليوم....

ودي أموت اليوم

ودي أموت اليوم وأعيش باكـــــر ..
وأشوف من هو بعد موتي فقدني ..
ومن هو حملني لين ذيك"المقابر" ..
وأشكر أنا كل من كرمني ودفني ..
وأشوف يرثيني أنا كم شاعــــــر ..
ومن هو تركني وماكتب شي عني ..
شخص تعنى لي مع أنه مسافر ..
وشخص قريب وأنا ميت طعني ..
شخص يمثل دمعته ماهو قادر ..
وشخص تطيح دموعه كل ما ذكرني ..
ومن هو من أهلي في العزا كان حاضر ..
ومن هو دعى لي في صلاته ورحمني ..
ومن هو بنا بإسمي سبيل ومنابر ..
ومن هو يفز قلبه إلامن لمحني ..
ومن هو عشاني طول الأيام ساهر ..
ومن هو ثلاث أيام راح وتركني ..
ومن هو يرتب غرفتي والدفاتر ..
وإن شاف صوره لي صاح وحضني ..
يالله عسى ماتخفى كل المشاعـر ..
ويالله عسى ماينصدم يوم ظنــــي ..
خايف يروح العمر وأكون خااااسر ..
وإن طار طيري مايفيد التمنـــــي ..
وخايف يجيني وقت أكسر خواطر ..
إن دارت الدنيا وزماني كسرني ..
ومدام هذي الدنيا صارت مظاهر ..
وكل من على كيفه وجوه يغنــي ..
صحيح مسلم لكن الهم كافــــــر ..
كل مابغيت أضحك يهددني حزنــي ..
الضيق وافي والحزن حيل وافر ..
والجرح أكثر شي شفته يحبنـــي ..
عايش وميت بين ماضي وحاضر ..
والصبر مفتاح الفرج ضاع منــــي ..
قل وش تبي وتتركني ياحزني آمر ..
مسكين فرحي تصدق أنه وحشني ..
شاعر . . . ولكن ماني بشاعــــــر ..
ودي أموت اليوم وأرتاح منـــــــي ..

.20000000000000000000000