تعبت اوفي مع غيري....

السلام عليكم ورحمة الله وبركاته
يمين الله ياقافي ..كتبتك..والقهر فيني



كتبتك هم ..والذكرى....ليل ٍ معتم ٍ.. مهجور



سالت..الجرح..وشلونك ؟ورد بضيم..وشلوني؟



سكــّت..وقلت في قلبي..ادري خاطره.. مكسور



تعبت اوفي مع غيري ..وغيري ليه يضنيني



تعبت احيا.. بدنيا غير..مبداها خداع.. وزور



تعبت جروح ..والعالم..تشوف الهم يطويني



تعبت وضحكتي ماتت..وقلبي بالعنا.. مقهور



تعبت اصبر على الطعنه واداوي قسوتي بليني



تعبت ابقى.. على حالي..واكتم لوعة.. المأسور



تعبت اقول للخاين ..دخيلك بس يكفيني



واشوفه ما..سمع صوتي ..كنه بطعنتي..مأجور؟



تعبت اقّلب كفوفي ..على هم ٍ مخاويني



تعبت ولا..تعب غيري..كما عتمى خلفها ..نور



تعبت ازرع نقى روحي..وماتت به رياحيني



اثاري الزرع ..ماينبت ..بأرض ٍ ممحله ..او بور



تعبت اقول للدمعه ..يكفيها..ذبلت عيني



واشوف من القهر دمع ..ٍ على خد الرضى ..منثور



تعبت اسجل اعجابي..بناس ٍ هم مواليني



صحيح الزين.. مايكمل ..لكن اتقنوا ..هالدوور



حبيب ٍ قال انا احبك..حلف لي مايخليني



ومن طيبة.. خفوقي جيت..مهدي للحنايا.. شعور



اثاري الغدر ياقافي ..من اللي هو مخاويني



وطبع الوقت.. مايرحم..ومنهو..بدنيته.. مستور؟




ابسال ليه يغدر بي؟؟ حسافه عشرة سنيني



ابي اعرف ..سبب واحد..متى قالوا الغدر ..دستور؟؟؟؟



كل ٍ خان والطعنه ..ورب البيت..تكفيني



دخيلك بس.. لاتنسى ..ترى هذا الزمان ..يدوور

شكرااااااااا